Mei Freind, de Bernd
Lilo Häfner Verlag
Mei Freind, de Bernd
Erzählungen aus dem Leben eines liebenswürdigen, leicht chaotischen Saarländers, der die Welt mit eigenen Augen betrachtet und mit verrückten Ideen bereichert.
Leseprobe:
…..Die beschde Kneibe gebds jo im Chinesevierdel, do is ma aach nidd so allähn dord, wemma dorum huckt unn sich Gedangge macht, do is laufend der ähn oder anner, wo aach nidd so ganz zefriede is. Do mache mir uns dann so Sorje um Gott unn die Welt, sama mol, wenicha um de liewe Godd, der is jo versorcht, demm geht’s jo nidd so dreckisch wie uns, meh hald um die Welt…..
…..In demm Chinesevierdel, do wohne zeitweis aach als Auswärdische, wo kän Platt schwätze kinne, weil die nidd von hie sinn. Die bleiwe aach meischdens nidd ewisch in Saarbrigge, wenn se ausstudiert hann, gehn se widder hemm, wo se hingehre…..
…..Mei Freind de Bernd, der hert e ganz klän bissje nidd gudd….ich will em do aach nidd immer gleich rinnschwätze, wenn a was nidd richdisch verstann hadd…..ma muss schon e bissje Owacht genn, weil ma jo leicht in ebbes ringeroht, wemma was nidd richdisch vasteht, awwer dissmol wars nidd so schlimm.
…..“Das is es, genau das is es“, saht de Bernd, „de Joho, beim Joho hädde ma bleiwe solle, unn uns nidd an de Adenauer varohde lasse solle, do hädde ma heit kä Huddel.“
…..Denne Joho, denne kinne mir jo nimmeh holle, do is nix meh dran se mache, denne missde ma äwe ersetze, sama mol, aach wenn das zwei paar Schuh wäre und hegschdens, awwer allerhegschdens terziär was middenanna se duhn hädd, durch de Oskar.
…..Mol ganz im Ernscht, ma wäß jo nie, wie ma so ebbes vazehle soll, ohne dass der ähn oder anner mennt, er gäb verarscht, mir hann das an demm Owend emol total durchgespielt, es änziche, was ma nimmeh kläre kund, war, ob de Oskar middmache gängt, der war grad nidd dehemm, unn de Bernd war aach e bissje froh do driwwer, weil er, wie er sich die Sach noch emol in Ruh durch de Kopp gehn gelass hat, gemennt hat, de Oskar wär vielleicht doch zu rigoros, unn er, de Bernd, gings vielleicht doch besser selwer mache, wo eigentlich aach nix degeje inzewenne wär…….